خذوا بإيدى وخليكم جدعان معايا00 وكمان فكروا ممكن توافقوااااا

شباب المنتدى الغالى
منورينن ، وفى الجنه متجمعين ، وعند الحبيب المصطفى متواعدين ،، ولوجه ربنا بالغداوة والعشى ناظرين ،، قولوا آآمين

اللهم آمين

شرفتونا بطلتكم الجميله دى ،، وأسعدتونا بمجرد تصفحكم لموضوعنا ،، وشوقتونا لكتابتكم وصحبتكم وتواجدكم الدائم معانا علشان تكونوا من شباب الجنه

ياترى عارفين شباب الجنه ؟؟
والا داخليين تدوروا على كتيبات شباب الجنه ؟؟

طيب علشان ما تتوهوش مننا .. فاللى بيدور على كتيبات شباب الجنه ومستعجل يشوفها الأول .. لا يدخل يمين ولا شمال خذوا بإيدى وخليكم جدعان معايا00 وكمان فكروا ممكن توافقوااااا Marsa138

خذوا بإيدى وخليكم جدعان معايا00 وكمان فكروا ممكن توافقوااااا Marsa138

.. زى ما هو طوالى علطول يضغط ( هنا ) خذوا بإيدى وخليكم جدعان معايا00 وكمان فكروا ممكن توافقوااااا Icon_arrowu

هيوصلها مباشرة إن شاء الله .

أما بأه اللى حابيين الأول يعرفوا حدوتة شباب الجنه ..،

فتعالو بسرعه أحكيلكم حدوته صغنطوطه ومش ملتوته ،، نلخص فيها حكاية شباب الجنه ،، فنقول: كان يا ماكان يا ساده يا كرام وما يحلى الكلام إلا بذكر النبي عليه الصلاة والسلام ،، عليه إيه ،،، ؟الصلاة والسلام

من 3 سنوات فاتوا - من تاريخ كتابة المداخله دى - كانت أول مره تتفتح ساحة حوار فى موقع أ،عمرو خالد ، فجه أخوكم اللى بيكلمكم الأن وفتح موضوع صغير كده ، كان عنوانه نفس عنوان الموضوع ده ،،

وبدأ الموضوع يكبر يوم ورا يوم بفضل الله وحده ثم بالصحبه الحلوه اللى سموا نفسهم شباب الجنه ، يعنى شباب نفسهم وأمنية عينيهم يدخلوا الجنه ،، علشان كده أحلامهم كبيره اوى لأن ثواب الجنه فى عينيهم غالى أوى،، فمفيش مشكله لو تعبنا شويه وبذلنا وقتنا وفكرنا وجهدنا هنا شويه فى الغرفه الصغنطوطه دى لعل ثوابها يكون الجنه إن شاء الله - بس المهم تكون النيه صادقه رضاك إنت وحدك يارب - ،، ومفيش مشكله لو طورنا نفسنا علشان ننول الجنه ،،

ولما قربت صفحات موضوعنا للصفحه رقم 1000 ،، فوجئنا إن مدير المنتدى بيخبرنا إن ساحة الحوار ستغلق وهيفتحوا ساحة حوار جديده ،، لكن هتفضل غرفتنا بكل صفحاتنا محفوظه على المنتدى القديم للى يحب يرجعلها ( إضغط هنا ) فبسرعه لبينا رغباتهم ،، وإنتظرنا الساحه الجديده ،، وإنفتحت ساحة المنتدى الإسلامى الجديده اللى انتم الأن منورنها ،، ففتحنا موضوع جديد بنفس إسم موضوعنا القديم وبنفس فكرته ،، لكن كبرنا اكتر بأحلامنا وطموحاتنا ،، وبالفعل بدأ يكون لينا إنجازات حقيقيه مش بس كلام

ولما قربت صفحات موضوعنا للصفحه رقم 700 ،، طلبوا مننا إدارة المنتدى بكل لطف وأدب ،، أن نتعاون معاهم إنهم ينقلوا ال700 صفحه دول فى الأرشيف ويمكن اى واحد فينا يرجعلهم وقت ما يحب يقرأ فيهم براحتوا ( إضغط هنا )،، وإحنا هنا نفتح صفحه جديده نبتدى فيها من جديد ،، علشان نخفف حمل المنتدى ونساعد على سهولة تصفحه ،، ولأننا بنحب الخير ، وعارفين إن إدارة المنتدى قصدها خير وقصدها تخفف صفحات المنتدى علشان يسهل تصفحه للجميع ،، بسرعه وافقنا بعد ما إستخرنا وعلى ربنا توكلنا

وآدينى دلوقتى عمال أكتبلكم المقدمه دى فى الصفحه الجديده بنفس إسم موضوعنا للمره الثالثه ،،

فياترى إيه سر إستمرار الغرفه دى طووول المده دى كلها ، وكل مره ترجع تتبنى تانى من جديد بفضل الله ؟؟

أكيد هأجاوبكم إن شاء الله ،، بس قبل الجواب هأفكركم بمعنى صغنن ،، وهو إن أى كتاب فى الدنيا لما بيطبع فيزداد إقبال الناس عليه وتزذداد مبيعاته وتخلص نسخه الموجوده ،، بتضطر دار النشر اللى طبعته تعيد طبع نسخ جديده منه من جديد لأن الطلب عليه كتير،، فبسهوله تعرف نجاح الكتاب اللى بين ايديك وكثرة رواجه بين الناس بمجرد ما تبص على الجلده الخارجيه وتقرأ ،، الطبعه الكام؟؟ ياترى الطبعه الاولى والا الثالثه والا الخامسه ؟؟

وكل ماتكون طبعاته اكتر كل ما يكون الطلب عليه اكتر ،، فتفهم إن الكتاب ده فى سر هام مخلى الإقبال عليه كتير ،، ياترى فاهمنى ؟؟،، أنا بأكلم نفسي والا إيه ؟؟

آهى غرفتنا كده يا شباب،، يمكن دى الطبعه التالته ليها ،، والمره التالته اللى بنفتح فيها نفس الموضوع ،، بنفس إسمه ،، بس الجميل إننا مش زى طبعة دار النشر ،، لأن فى دار النشر لما بيطبعوا كتاب بيطبعوه كما هو ،، بنفس كلماته ومحتواه ،، أما إحنا هنا فى غرفتنا كل ما بيحصل جديد يخلينا محتاجين نفتح موضوع جديد لغرفتنا تانى ما بنكررش كلامنا والا مواضيعنا والا تفاعلناوالا بنكرر نفسنا أبدا

لكننا بننضج ونكبر وبتكبر جوانا ومعانا أحلامنا وعقولنا وعلاقتنا ببعض ،، بنحس إننا عمالين نطلع درجات سلالم صاعد ،، كل درجه بترفعنا لفوق خطوه ،، وبنحس معاها إننا ما بنكررش نفسنا ،، لا ، ده إحنا بنعلى اكتر بفضل الله

وهى دى حدوتة اليوم ،، وتوته توته خلصت الحدوته
حلوه والا ....!!

بس برضه أنا ما شرحتلكومش إحنا بنعمل ايه فى غرفتنا؟ وإيه نشاطنا فيها ؟؟ وإزاى تقدر تشارك وتندمج بسرعه مع كل اللى فيها ،، ده كله هتلاقي إجابه عنه ،،

بس الأول حقكم تقرأوا معانا

رأى أ،عمرو خالد فى غرفتنا ،، وكلمته الجميله اللى كتبها لشباب الجنه ،، وتفاعله مع احد إنجازات شباب الجنه كما ستعلمون لاحقا

المداخله الأصليه ( هنا )

كتب أ، عمرو خالد :

اقتباس:

كلمة من قلبي إلي شباب الجنة

أنتم روح جميلة تسري في هذا المنتدى ، فتحيي الهمم وتثبت الضعيف ..
يوم أن اتصلتم بي وقلتم لي سنضع كتابا يكتبه مجموعة من شباب الجنة قلت في نفسي أفلح إن صدق ولعلها حماسة وتنتهي ثم درات الأيام ووجدت بين يدي الإصدار الاول لشباب الجنة ففرحت به فرحا كبيرا وقلت لعل هذا من دلائل الإخلاص ..وها أنا اليوم أجدكم ما زلتم تعملون وتشعلون المنتدى حماس وهمة ..فجزاكم الله خيرا يا شباب الجنة واسال الله أن يوفقكم ويجعل عزة الاسلام علي أيديكم ولا تنسوني من دعائكم وأحب أن أسمع منكم قريبا

الله يجازيك ألف ألف خير يا أ،عمرو يارب

ويالا يا سيدى إنت وهى ،، ركزوا معانا جامد علشان تعرفوا كل شىء عن غرفتنا وعن شباب الجنه ،، فمطلوب منكم تقرأوا معانا 3 مداخلات صغار جدا جدا

1- المداخله الجايه، اللى بعد دى مباشرة ،، مكتبه حره بين إيديك ، متجمع فيها كل كتيبات شباب الجنه .. بنعتبرها" قائمة إنجازات شباب الجنه " ،، لوحة شرف بنرفعها كل ثانيه أمام عيوننا لنشكر ربنا عليها ونزداد رغبه فى العطاء اكثر واكثر ،، قائمه غاليه علينا أوى، لأن تمنها كانت نيه صادقه ومخلصه فى الأول من كل فرد من شباب الجنه ، تلاها جهد كتير وتفكير طويل وإصرار إننا يكون لينا بصمه طيبه ،، ،، وحتى لو إنجازتنا قليله ، المهم تكون صادقه ومخلصه لله وبكره نكبر اكتر وتكبر انجازتنا وتثمر

2- المداخله اللى بعديها مباشرة ،، فيها كل سؤال ممكن يخطر ببالك الان عن غرفتنا وعن نشطاتنا ،، بس الإجابات محذوفه ؟؟ طب خلاص ما تزعلوش كمان جاوبنالكم على كل الإسئله ،، بس على شرط تدعولنا وتكونوا معانا من شباب الجنه

3- المداخله اللى بعديها مباشرة ،،دى أول مداخله لينا خااالص من 3 سنين وهى دى اللى بسببها سمينا غرفتنا خدوا بإيدى وهى دى أصل غرفتنا .. والفكره اللى قامت عليها كل صفحات شباب الجنه .. من حقك علينا تشوف الفكره يوم ما بدأت وكانت قايمه على ايه .

يالا بسرعه ،، سموا الله ،، وصلوا على رسول الله
وإدخلوا برجلكم اليمينوقولوا :

اللهم أدخلنا مدخل صدق ، وأخرجنا مخرج صدق ، وإجعل لنا من لدنك سلطانا نصيرا

وإتفضلوا معانا إقرأوا المداخلات التاليه مباشرة ،،

وبجد بجد
نورتونا
ورفعتونا فى الجنه درجات

وثقوا إننا والله ، بنحبكم فى الله

ويالا خدوا بإيدى وخليكم جدعان ، وكمان فكروا ممكن تحبوا شباب الجنه فى الله

والسلام عليكم ورحمة الله وبركاته

» هل ممكن تشغيل اعلانات جوجل فى موقعى العربى