.. !! آداب الحوار مع الآخر !! ..

سورة النحل - الجزء 14 - الآية 125 - الصفحة 281

ٱدْعُ إِلَىٰ سَبِيلِ رَبِّكَ بِٱلْحِكْمَةِ وَٱلْمَوْعِظَةِ ٱلْحَسَنَةِ ۖ وَجَـٰدِلْهُم بِٱلَّتِى هِىَ أَحْسَنُ ۚ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِۦ ۖ وَهُوَ أَعْلَمُ بِٱلْمُهْتَدِينَ

ما شاء الله

جميلة الآيه دي

ربنا بيقول ادع و ده فعل أمر

ادع الى سبيل ربك

يعني أمر من الله بالدعوة و الحوار و النقاش و المناظرة

طب ها ندعو مين ؟

اكيد هاندعوا حد غيرنا

موش معقول ندعو انفسنا مثلا

و نقيم حوار مع نفسنا مثلا

لأ..

و نقنع روحنا ..

ماهو اكيد لازم الدعوة دي لحد غيرنا

شخص آخر يعني

طيب الآخر ده يبقى مين

الآخر ده بكل بساطة اي شخص تاني غيرك

و لأنه غيرك يبقى اكيد مختلف عنك

ممكن يكون لونه مختلف
لغته مختلفه
شعره مختلف
اخلاقه مختلفه

تربيته مختلفه
توجهاته مختلفه

عقيدته مختلفة
وجهة نظره مختلفة
قناعاته مختلفة
اهدافه مختلفه

آراؤه كمان ممكن تكون مختلفه

أيوة ..

علشان كده سموه الآخر

يعني ببساطة ..

موش انت

موش نفسك

الآخر مختلف موش شبهك

يبقى اكيد لازم تتقبل الحقيقة دي الاول

هو حاجة و انت حاجة تانيه

مختلفين ..

افهم اخي دي

و تقبلها و تقبل الآخر فى اختلافه

تقبل انه احمر مصفر

او اصفر محمر

او ايديه و رجليه قصيرين

او بيتكلم لاوندي

او من بلاد الواء الواء

او حتى بيقول حاجة انت موش مقتنع بيها

تقبل ..

طيب ..

تقبل دي تعني ايه ؟

يعني انا موافق على اللى هو فيه

لأ..
التقبل ببساطة يعني انك تعتبره

شخص مثلك له حقوق عليك

و عليك نحوه واجبات

****** .. !! آداب الحوار مع الآخر !! .. ******

.. !! آداب الحوار مع الآخر !! ..